Müəllimlər İnstitutunun Sumqayıt filialının müəllim və tələbə kollektivi \"Ümid Yeri\"nin qonağı olub
Analar öz doğma balalarının qayğısını ürəkləri istəyən qədər çəkə bilmədiyi bir zamanda \"Ümid Yeri\"nin rəhbərliyi, kollektivi mərhəmət göstərərək yüzlərlə köməksiz uşağın harayına səs verib.
\"Ümid Yeri\"ni bu xeyirxah əməlində yalnız qoymayanlar da var. Buraya ayrı-ayrı dövlət və özəl qurumları mütəmadi olaraq maddi yardım göstərir, mənəvi dayaq olurlar. Xüsusilə özəl günlərdə, bayramlarda sığınacaq yeri hər zaman təmtəraqlı olur. Yeni il öncəsi Azərbaycan Müəllimlər İnstitutunun Sumqayıt filialının müəllim və tələbə kollektivi də balacaların qonağı olub. Filialın müəllimi Hilalə Axundovanın sözlərinə görə, onların bir şüarı var: "Uşaqlara valideynlərinin etmədiklərini, birgünlük olsa da biz edək".
Filialın kollektivi gətirdikləri hədiyyələrlə uşaqlara əsl bayram ovqatı yaşadıblar. Azərbaycan Müəllimlər İnstitutunun Sumqayıt filialının müəllim və tələbə kollektivi adından uşaqlara yeni genişekranlı televizor hədiyyə olunub. Musiqi sədaları altında Şaxta baba və Qar Qızı balacaları əyləndirib, onlara bayram sovqatları paylayıblar. Daha sonra bayram süfrəsi açılıb
Bütün xəbərlər Facebook səhifəmizdə
USD
EUR
GBP
RUB
