Aygün Kazımova "Altın Kelebek"dən imtina etdi

Aygün Kazımova "Altın Kelebek Ödülleri 2017"də iştirakdan imtina edib.
Bunu SİA-ya açıqlamasında xalq artistinin prodüseri Şahin Qurbanov bildirib.
Onun sözlərinə görə, mükafatlandırma mərasimindən imtinanın səbəbi gərgin iş qrafikidir: "Aygün Kazımovanın bu il təşkil olunacaq "Altın Kelebek" mükafatlandırma mərasimində iştirak etməyə vaxtı yoxdur. Bizim qrafikimiz ilin əvvəlindən müəyyənləşib. Bilirsiniz ki, səkkiz ay "Crystal Hall" konsertinə hazırlıq gedib. Və sentyabr ayında möhtəşəm konsert baş tutdu. Noyabr ayında isə "DAF BAMA MUSİC AWARDS" üçün hazırlıq gedir. Bu mükafatlandırma mərasimində də Aygün xanım Azərbaycanı təmsil edəcək. Aygün xanımın demək olar ki, istirahətə vaxtı yoxdur. "Altın Kelebek" mükafatlandırması isə dekabr ayında olacaq. Həmin tarixə də imzalanmış müqavilələrimiz, eyni zamanda Həmrəylik Günü və Yeni İl ilə əlaqədar bir sıra çıxışlarımız var. Bu səbəbdən təklifi rədd etməli olduq. Çox istərdik ki, bu mükafatlandırma mərasimində iştirak edək. Azərbaycanı hansı sənətçimiz təmsil edəcəksə, ona uğur arzu edirik".

Xatırladaq ki, Aygün Kazımova 2012-ci ildə Türkiyədə təşkil olunan "Altın Kelebek" mükafatlandırma mərasimində iştirak edib.

Bütün xəbərlər Facebook səhifəmizdə

loading...