"İşte benim stilim"dən də Azərbaycana dəstək

"İşte benim stilim" dəb yarışmasının final gecəsi baş tutub. SİA-nın məlumatına görə, finala qalan azərbaycanlı iştirakçı Ayşan Ocaqverdiyeva podiumda çıxışından sonra münsiflər qarşısına çıxıb. Proqramda qonaq olan müğənni Sinan Akçıl "Azərbaycan hazırda çətin günlərdən keçir, Türkiyə hər zaman sizinlədir" deyərək son günlər cəbhədə baş verən hadisələrə laqeyd qalmadıqlarını nümayiş etdirib. Stilist Hakan Akkaya "Kədəriniz kədərimizdir..." deyərək dəstəyini göstərib.

Ayşan podiuma "Qaya" qrupunun "Ey həyat, sən nə qəribəsən" mahnısı ilə çıxıb. Münsiflər onun yarışma boyu intizamı və tərbiyəsi ilə seçildiyini qeyd ediblər.

Gecənin qalibi isə Yeşim Aydın olub. Digər ardıcıllıq isə belə olub: Bahar Candan, Meral Avcı, Selay Topçuoğlu, Ayşan Ocaqverdiyeva, Yağmur Taktaş və Tuğba İldiz.

Bütün xəbərlər Facebook səhifəmizdə

loading...