Yazıçılar Birliyinin üzvü, şair Tural Bayraməliyevin SİA-ya müsahibəsi
-Yazar olaraq bu vaxtadək hansı qlobal mövzulara toxunmusunuz?
- İşi olmayan, lakin yeni ailə həyatı qurmaq istəyən gənclər psixoloji problemlərlə üzləşirlər. Mən də qəhrəmanımın dili ilə bu mövzuya öz aspektimdən yanaşacam və bədii ədəbiyyata çevirəcəm. Mövzunun özəlliyi ondan ibarətdir ki, gənclər bir ədəbi məhsul oxumaqla yanaşı, məsələnin hardasa həllinə də vara biləcəklər. Bu cür problemlərin məncə həlli yolu var. Sadəcə, onu düşünüb tapmaq lazımdır.
- Bəzən, problemi həll etmək istəyərkən, uçuruma yuvarlananlar da olur. Məsələn, sosial bəlalar və s.
- Həyatlarını öz əlləri ilə "qara qutuya" çevirən gənclər üçün bu, uzaqdan hamar yol şəklində görünür. Amma yolun başlanğıcı hamar olduğu qədər, sonu uçurumdur. Bir çox xeyriyyə tədbirlərinə qoşulmaqla, gəncləri bu yoldan uzaqlaşdırmağa çalışmışıq. Bəzən nail oluruq. Ancaq əksəriyyəti üçün artıq həyat "sönür". Bədii ədəbiyyatımın mövzusunun bir hissəsini məhz bu mövzu təşkil edəcək. Bu, maarifləndirmənin bir hissəsi ola biləcək.
- Bir çox məqamları öyrənməyə çalışırsız. Qarşılaşdığınız hər əvhalatı bədii ədəbiyyata çevirə bilirsiniz?
- Ədəbiyyat adamlarının əsas mövzularını məhz gerçək həyatdakı əhvalatlar təşkil edir. Bir neçə əsərimin məhz real həyatdan götürüldüyünü deyə bilərəm. Mən ciddi ədəbiyyatdan yazanda, xəyali mövzular dalınca qaçmıram. Nağıllardan uzağam. Şeirlərimdə isə əksinə olur. Bu gün daha çox ciddi və qlobal mövzuları düşünürəm. Növbəti kitabım məhz həyatı reallıqlardan bəhs edəcək.
- Xalqın yanında böyük ədəbiyyatla dayanmaq mümkündürmü?
-Mümkündür. Tarix boyu şahidik ki, xalqımızın yanında dayananlar söz yazarları, ictimai xadimlər olub. Qələm adamı Tanrının seçilmiş bəndəsi sayılır. Millətin probleminə öz dərdi kimi yanaşa bilir. Mənən hər zaman xalqın yanındayıq. Problemleri bədiləşdirə bildiyimiz qədər, həllini də düşünməyə çalışırıq.
-Sizi nə ruhdan sala bilər?
- İnsanların xainliyi məndə ruh düşkünlüyü yaradır. Amma bu müvəqqətidir. Bəzi adamlar var ki, özləri nəsə edə bilməyəndə, ətrafındakı insanın uğurunu baltalamaqdan həzz alır. Şükür ki, belə məqamlarda daha da böyüyürəm, güclənirəm. Çevrəmdəki dostları tanıyıram. Bilirəm ki, kiminlə dostluq etmək mənə başucalığı gətirə bilər. Mən dövlətimi, Vətənimi sevən insanam. Xüsusi ilə qeyd edim ki, dövlət başçımız gənclərə nümunədir. Siyasəti bizim üçün örnəkdir. Hər bir yaradıcılıq məhsulumda, xeyriyyəçiliyimdə, ictimai fəaliyyətimdə bu örnəkdən bir nümunə var.
.jpg)
Bütün xəbərlər Facebook səhifəmizdə
USD
EUR
GBP
RUB