Xeyli müddətdir komada olan dünya şöhrətli müğənni Uitni Hyustonun qızı Bobbi Kristina Braun vəfat edib. SİA-nın məlumatına görə, bu haqda Amerika KİV-i mərhumun ailə üzvlərinə istinadən xəbər yayıb. Məlumatda mərhumun yaxınları bu sözləri deyib: "O nəhayət Tanrının qolları arasındadır. Bu bir neçə ayda bizə sevgi və dəstək göstərən bütün insanlara dərin minnətdarlığımızı bildiririk".
Xatırladaq ki, Bobbi yanvarın 31-də vətəndaş nikahında yaşadığı Nik Qordon tərəfindən huşsuz vəziyyətdə xəstəxanaya çatdırılmışdı. Həmin vaxtdan süni nəfəs aparatına qoşulan ifaçının qızının hamamda yıxılaraq başını divara vurduğu deyilirdi.
Mətbuatda yayılan iddialar arasında Nikin Bobbinin sərvətini ələ keçirmək üçün onu itələyərək bu vəziyyətə saldığı yer almışdı. Bobbinin başındakı şiş də şayiələrin güclənməsinə səbəb olmuşdu.
Qeyd edək ki, B.K.Braunu süni nəfəs aparatından anasının öldüyü gün – fevralın 11-də ayırmaq istəsələr də, ailə üzvləri buna razılıq verməmişdilər.
Bütün xəbərlər Facebook səhifəmizdə
USD
EUR
GBP
RUB