Əməkdar artist Lalə Məmmədova sosial şəbəkədə dünyaya gəlməmiş qizi haqqında şeir yazib. SİA-nin verdiyi xəbərə gorə, "Ürəyimin altında böyütdüyüm qızım..." misrası ilə başlayan şeirdə o dünyaya gələcək körpəsinə müraciət edib.
Həmin şeir sizlərə təqdim edirik:
Ürəyimin altında böyütdüyüm qızım
bu gün yeddi ayın oldu
bətnimdə
görmədiyim üzün
öpmədiyim balaca
ovcunda toz gizlədəcəyin əllərinçün darıxıram
indidən
şəkərbura ayaqların
süd qoxulu boynundan öpmək olmaz
deyir nənəm
böyüməyi öyrənirsən
yaşamağa yol gəlirsən
hardan gəldiyin bəlliykən
hara gəldiyini hələ bilmirsən
sənə rəngli bələklər
əllərim boyda gömləklər
çiçək bəzəkli ləçəklər alacaq nənən
görərsən
bir bilsən necə gözlənilirsən...
gecələri oyaq qalacaqsan deyirlər
bir qurtum süd istəyib ağlayacaqsan deyirlər
bircə mənim
təkcə mənim qoynumdaykən
ovunacaqsan deyirlər
anladım, qızım
anladım
sən
məni hamıdan çox sevəcək
sən mənə hamıdan çox güvənəcək sən
məni hamıdan çox üzəcək birisən
və hər şeydən çox
və hər şeydən çox
məni həyata
məni dünyaya bağlayacaq birisən
qram-qram böyüməklə
ömrümə yol gəlirsən...
artıq ilk üsyanlarını duyuram
ilk vətənin dar gəlir sənə
əl-qol atırsan
mənəmi can atırsan, qızım
dünyamı çağırır səni?
yolun uzun...
ömrün uzun...
nə tələsirsən, quzum?!
Səni sevgidən yoğurduq
Sən ağrıdan doğulacaqsan
ilk səsinlə
ilk nəfəsinlə
yeni dünya doğuracaqsan
ürəyimin altında böyütdüyüm param,
üzünü görmədiyim,
səsini duymadığım,
qoxunu almadığım
Yavru balam
anandan ağlayanda da gülməyi öyrən
səni gülən görmək istəyirəm, körpəm
gülməyi öyrən..."
Bütün xəbərlər Facebook səhifəmizdə
USD
EUR
GBP
RUB