Keçən gecə Zaqatala şəhərinin Vaqif küçəsində Yusif İbrahim oğlu Rəcəbova məxsus, ümumi sahəsi 200 kv/m olan ikimətəbəli fərdi yaşayış evində yanğın baş verib.
SİA APA-nın məlumatına istinad edərək xəbər verir ki, yanğının söndürülməsi üçün hadisə yerinə Fövqəladə Hallar Nazirliyinin (FHN) Zaqatala rayon Dövlət Yanğından Mühafizə Hissəsinin texnikaları və şəxsi heyətləri cəlb edilib.
Yanğın nəticəsində evin daş örtüyü və ikinci mərtəbədəki iki otağın yanar konsrtuksiyaları ev əşyaları ilə birlikdə yanıb. Evin birinci mərtəbəsi yanğından mühafizə olunub.
Yanğın zamanı bir nəfər 1989-cu il təvəllüdlü Turac Telman oğlu Nağıyev tüstüdən zəhərlənmə əlamətləri ilə Zaqatala Rayon Mərkəzi Xəstəxanasına aparılıb. Xəstəxanada T. Nağıyevə lazımi tibbi yardım göstərildikdən sonra xəsarəti yüngül olduğundan evə buraxılıb.
Faktla bağlı araşdırma aparılır.
Bütün xəbərlər Facebook səhifəmizdə
USD
EUR
GBP
RUB