Fövqəladə Hallar Nazirliyi (FHN) Hacıqabul rayonunda baş vermiş və 2 azyaşlının ölümünə səbəb olmuş yanğın hadisəsi ilə bağlı məlumat yayıb. SİA-nın nazirliyin saytına istinadən verdiyi məlumata görə, rayonun Birinci Paşalı kəndində (rayon mərkəzindən 32 km aralı) vətəndaşa məxsus ümumi sahəsi 128 kvadrat metr olan 4 otaqlı evin yanar konstruksiyaları və əşyalar yanıb, hadisə zamanı evdə olan 1 nəfər yanıq xəsarətləri alıb. Yaralı xəstəxanaya aparılıb.
Yanğın saat 17:40-da yanğınsöndürənlər tərəfindən söndürülüb. Hadisə yerinin kəşfiyyatı zamanı ev sahibinin övladları - 2008-ci il təvəllüdlü Abdullyev Sahib Zaur oğlu və 2010-cu il təvəllüdlü Abdullayev Zaman Zaur oğlunun cəsədi aşkarlanıb.
Hadisə ilə əlaqədar müvafiq qurumlar tərəfindən araşdırma aparılır.
Bütün xəbərlər Facebook səhifəmizdə
USD
EUR
GBP
RUB