Cəlilabadda yol qəzasında 2 nəfər ölüb

9 Yanvar 2011 02:29 | 716

Cəlilabad rayonunda ağır yol-qəza hadisəsi baş verib. SİA-nın Cənub bürosunun məlumatına görə, hadisə Ələt-Astara magistralının 121-ci km-də Cəlilabad rayonunun Alar kəndi ərazisində baş verib. Tehran-Bakı marşurutu üzrə hərəkət edən İran İslam Respublikasının vətəndaşı Oruc Xodesenin idarə etdiyi "SKANİYA" markalı avtobusla Biləsuvar rayon sakini 24 yaşlı Elçin Şahbazovun idarə etdiyi VAZ 2106 markalı avtomaşın toqquşub. Nəticədə "VAZ 2106" markalı avtomaşının sürücüsü və sərnişin - 33 yaşlı Elnur Kazımov elə hadisə yerindəcə keçiniblər. VAZ 2106-da olan digər sərnişinlər 28 yaşlı Araz Axundov, 29 yaşlı Fariz Həsənov və 29 yaşlı Elgün Kazımov müxtəlif dərəcəli bədən xəsarətləri alaraq Biləsuvar rayon mərkəzi xəstəxanasına çatdırılıblar. Avtobusda olan 11 sərnişinin heç biri xəsarət almayıb. Onların hamısı digər yol maşınları ilə Bakıya yola salınıblar.

Hələlik, qəzanın baş verməsinın səbəbləri ilə bağlı hər hansı bir məlumat verilməyib.

Hazırda faktla bağlı cinayət işi başlanıb, araşdırma aparılır.

WhatsApp-da Səs Media Qrupu kanalını izləyin