Bakıda ağır cinayət olub. Qadın özündən 6 yaş böyük həyat yoldaşını bıçaqlayaraq qətlə yetirib. Hadisədən sonra gənc qadın saxlanılaraq istintaqa cəlb edilib. Amma mərhumun qohumları iddia edirlər ki, qadın ərini tək öldürməyib.
Qadın həyat yoldaşını bıçaqlayaraq qətlə yetirib.
Hadisə Sabunçu rayonu Maştağa qəsəbəsində baş verib. 26 yaşlı Gülər Mirzəyeva həyat yoldaşı, 32 yaşlı Şəmsi Babayevlə yaşadıqları evdə mübahisə edib. Əsəblərinə hakim ola bilməyən qadın bıçaqla həyat yoldaşına bir neçə zərbə vurub. Ağır xəsarət alan Şəmsi Babayev elə hadisə yerindəcə ölüb.
Qohumların sözlərinə görə cütlük bir neçə il əvvəl ailə qurub. Gülər 2 il əvvəl ana olub. Ərlə arvad tez-tez ailədaxili məsələlər üstündə mübahisələr ediblər. Ümumiyyətlə qohumları onların xasiyyətlərinin bir-birinə uyğunlaşmadığını, bir-birlərindən narazı olduqlarını bildiriblər. Mərhumun qohumları iddia edirlər ki, Şəmsi Babayevi Gülər qohumları ilə birlikdə öldürüb.
Hadisə ilə əlaqədar Sabunçu polisi Gülər Mirzəyeva şübəhli şəxs qismində saxlanılıb. O, ilkin ifadəsində həyat yoldaşını öldürməsini etraf edib. Faktla bağlı qəsdən sağlamlığa ağır xəsarət yetirmə, ölümə səbəb olduqda maddəsi ilə cinayət iş başlanılıb.
Bütün xəbərlər Facebook səhifəmizdə
USD
EUR
GBP
RUB