Bakıda mənzilləri qarət edən şəxslər həbs olunub. SİA-nın Daxili İşlər Nazirliyinin saytına istinadən verdiyi xəbərə görə, Binəqədi Rayon Polis İdarəsinin 5-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində avqustun 30-da Bakı şəhər sakini Kamal Talıbova məxsus evdən 50.000 manat dəyərində qızıl əşyalar oğurlamaqda şübhəli bilinən paytaxt sakini, əvvəllər məhkum olunmuş Nicat Abbasov tutulub.
Həmin gün Nəsimi RPİ əməkdaşlarının həyata keçirdikləri əməliyyat-axtarış tədbirləri nəticəsində cari il iyunun 10-da Bakı şəhər sakini Səadət Səmədovaya məxsus evdən 3500 manat və 500 avro pul, habelə 50.000 manat dəyərində qızıl əşyalar oğurlamaqda şübhəli bilinən paytaxt sakinləri Fərid Əhmədov və Nigar Ağayeva tutulublar.
Bütün xəbərlər Facebook səhifəmizdə
USD
EUR
GBP
RUB