Gəncədə sərnişin daşıyan mikroavtobus qəza törədib. SİA-nın bölgə müxbirinin verdiyi məlumata görə, bu gün saat 14:10 radələrində Gəncənin Ozan küçəsində sərnişindaşıyan mikroavtobus divara çırpılıb. 29 saylı marşrut üzrə hərəkət edən "Mercedes" markalı mikroavtobus Firdovsi Əliyev küçəsindən Ozan küçəsinə dönərkən əyləc sistemində yaranan problem üzündən yaşayış evinin divarına çırpılıb. Hadisə nəticəsində nəqliyyat vasitəsinin sürücüsü və 19 sərnişin müxtəlif dərəcəli bədən xəsarətləri ilə Gəncə şəhər Təcili Tibbi yardım Xəstəxanasına yerləşdiriliblər. Yaralılardan 2-nin vəziyyətinin ağır, 17-nin səhhəti isə orta ağır olduğu bildirilir. Xəstəxanaya yerləşdirilən yaralılardan vəziyyəti ağır olanlar var.
Xəstəxanadan yaralıların əksəriyyətinin tələbə olduğu bildirilir.
Yaralılar bunlardır:
Azər Məmmədov - sürücü
Şəhriyar Cəlilov
Hekayət Əhmədzadə
Arifə Cabbarova
Xəyalə Abdulxalıqova
Ülkər Əfəndiyeva
Afaq Məmmədova
Məryəm Əliyeva
Zəhra Məmmədova
Nərmin Əmirova
Sevda İsmayılova
Zöhrab Namazov
Elmir Cəlilli
Elmira Məmmədova
Milana Məmmədova
Amid Babaxanov
Toğrul Əliyev
İlham Bağırov
Pərvanə Fətəliyeva
Tofiq Eminov
İlham Məmmədzadə
Bütün xəbərlər Facebook səhifəmizdə
USD
EUR
GBP
RUB