Lənkəranda minik avtomobili alışaraq yanıb. SİA-nın Cənub bürosunun məlumatına görə, bədbəxt Ələt-Astara magistralının Lənkəran rayonun Şürük kəndi ərazisindən keçən hissəsində baş verib. Belə ki, Lənkəran rayon sakini 29 yaşlı Hicran Seyidovun idarə etdiyi "Vaz 21014" markalı avtomobil hərəkətdə olarkən qəfildən alışmağa başlayıb. Arxa hissədən alışan avtomobil daha sonra bütün salonu əhatə edib. Avtomobilin alovlandığını görən sürücü dərhal maşını yolun sol hissəsinə çəkərək özünü yanğından xilas edə bilib.
Yanğın barədə dərhal Fövqaladə Hallar Nazirliyinin Lənkəran Yanğından Mühafizə hissəsinə məlumat verilib. Hadisə yerinə yanğından mühafizə hissəsinin bir avtomobili cəlb edilib. Yerli sakinlərin ilkin müdaxiləsindən sonra avtomobilin partlamasının qarşısını almaq mümkün olub. Buna baxmayaraq avtomobil yararsız vəziyyətə düşüb.
İlkin ehtimala görə yanğına isti hava nəticəsində avtomobildə yaranan texniki nasazlığın səbəb olduğu deyilir. Faklta bağlı araşdırma aparılır.
Sərraf Mirsəfəroğlu
Bütün xəbərlər Facebook səhifəmizdə
USD
EUR
GBP
RUB