Türkiyənin Şanlıurfa şəhərinin Suruç qəsəbəsində meydana gələn partlayışın ardından hadisə yerində çoxlu sayda dəmir parçaları tapılıb. SİA-nın Türkiyə mətbuatına istinadən verdiyi xəbərə görə, dəmir parçaları bombanın təsirini artırmaq üçün istifadə olunub. Nəticədə, parçalama gücünə malik olan dəmir parçaları 32 gəncin həyatına son qoyub.
Partlayışın detallarının üzə çıxdığı bir vaxtda, terroristin İŞİD üzvü olduğu məlum olub. Hücumu törədən şəxsin geyindiyi jiletin üzərinə çoxlu sayda əl bombası yerləşdirdiyi və bunun da partlayışın gücünü bir neçə dəfə artırdığı ifadə olunur. Bundan başqa, hücumun təsirini bir az daha artırmaq istəyən kamikadzenin jiletin üzərinə dəmir parçalar yerləşdirdiyi aydın olub. Ətrafa dəyən ziyan da partlayışın nə qədər şiddətli olduğunu ortaya qoyub.
Bütün xəbərlər Facebook səhifəmizdə
USD
EUR
GBP
RUB