Bakıda daha bir oğurluq faktının üstü açılıb. Daxili İşlər Nazirliyindən əldə etdiyimiz məlumata görə, oktyabrın 30-da paytaxtın Nizami rayonu Q.Qarayev prospektində Bakı şəhər sakini Bəhram Nəsibliyə məxsus mağazadan qapını sındırmaq yolu ilə 4 ədəd mobil telefon oğurlanıb.
Nizami RPİ 25-ci PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Abşeron rayon sakini, əvvəllər məhkum olunmuş Elnur Məmmədov tutulub.
Ətrafında aparılan əməliyyat tədbirləri ilə onun oktyabrın 30-da Məhəbbət Rzayevin cibindən 280 manat, Bakı şəhər sakini Yura Taralovla birgə Sərxan Sabirova məxsus mağazadan 60 manat və məişət əşyaları oğurlaması da müəyyən edilib.
Həyata keçirilmiş əməliyyat-axtarış tədbirləri ilə Y.Taralov tutulub.
Bütün xəbərlər Facebook səhifəmizdə
USD
EUR
GBP
RUB