Prezident İlham Əliyevin sərəncamı ilə ölkə əhəmiyyətli yolların yenidən qurulması və tikintisi ucqar dağ rayonu olan Yardımlı rayonunda da uğurla həyata keçirilir. SİA-nın Cənub bürosunun verdiyi məlumata görə, hazırda rayonda infrastrukturun yaxşılaşması ilə yanaşı, illərlə həllini gözləyən yol problemləri aradan qaldırılır. Ölkə başçısı cənab İlham Əliyevin 21 fevral 2013-cü il tarixli "Yardımlı rayonunun sosial-iqtisadi inkişafının sürətləndirilməsinə dair əlavə tədbirlər haqqında" sərəncamında Yardımlı-Deman-Arvana avtomobil yolunun yenidən tikintisi üçün Azərbaycan Respublikası Prezidentinin ehtiyat fondundan Yardımlı Rayon İcra Hakimiyyətinə ilkin olaraq 5 milyon manat ayrılıb.
Uzun illərdir bərbad vəziyyətdə olan, xüsusən də qış aylarında sakinlərin gediş-gəlişini çətinləşdirən 13.000-nəfər əhalinin yaşadığı 23-yaşayış məntəqəsini birləşdirən uzunluğu 46-kilometr olan Yardımlı-Deman-Arvana avtomobil yolunun tikinti işləri sürətlə davam etdirilir.
Qeyd edək ki, sonuncu dəfə bu yollarda təmir işləri 70-ci illərdə aparılıb. Ucqar dag yoluna yüksək keyfiyyətli asfalt örtüyünün çəkilməsi sakinlər tərəfindən razılıqla qarşılanır. Ucqar dag yolunun bərpası və yaşayış məntəqələrinə gediş-gəlişin asanlaşması, ərazidə yeni turizm müəssisələrinin salınmasına və sakinlərin yeni iş yerləri ilə təmin olunmasına təkan verəcək.
Yolun 2013-cü ilin sonuna qədər yüksək səviyyədə bərpa olunaraq əhalinin istifadəsinə verilməsi nəzərdə tutulub.
Sərraf Mirsəfəroğlu
Bütün xəbərlər Facebook səhifəmizdə
USD
EUR
GBP
RUB