Masallı rayonu, Qəriblər kəndində (rayon mərkəzindən 11 km aralı) vətəndaşa məxsus "VAZ " markalı minik avtomobili ilə "QAZ" markalı yük avtomobili toqquşub. Fövqəladə Hallar Nazirliyinin müvafiq xilasetmə qüvvələri dərhal hadisə yerinə cəlb olunub.
SİA-nın məlumatına görə, əməliyyat şəraiti qiymətləndirilərkən müəyyən olunub ki, "VAZ" markalı avtomobilin sürücüsü və avtomobildə olan sərnişin xəsarət alıb, nəqliyyat vasitəsində sıxılmış vəziyyətdə qalıb.
Yanğınsöndürən-xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə zərərçəkmişləri avtomobildən çıxarıb, aidiyyəti üzrə təhvil veriblər.
Həmçinin, ərazidə müvafiq təhlükəsizlik tədbirləri görüblər.
Əməliyyat saat 18:35-də başa çatıb.
Bütün xəbərlər Facebook səhifəmizdə
USD
EUR
GBP
RUB