Suraxanı Rayonunda Polis İdarəsi (RPİ) 33-cü Polis Bölməsi (PB) əməkdaşlarının keçirdikləri əməliyyat-axtarış tədbirləri nəticəsində Azərbaycan Respublikası Cinayət Məcəlləsinin 178-ci (dələduzluq) və 234-cü (qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) maddələrilə axtarışda olan Mehman Mirzəyev martın 4-də yaxalanıb. Baş Polis İdarəsindən SİA-ya verilən məlumata görə, bununla yanaşı, Sabunçu RPİ Narkotiklə Mübarizə Bölməsi (NMB) və 15-ci PB əməkdaşlarının keçirdiyi əməliyyat tədbirləri nəticəsində Pirşağı qəsəbəsində yaşayan İlqar Şükürovun evindən 1 kiloqramdan artıq marixuana aşkar edilib.
Həmçinin, Sabunçu RPİ 12-ci PB əməkdaşlarının keçirdiyi əməliyyat tədbirləri nəticəsində Sabunçu qəsəbə sakini Taleh Kərimovdan 405 qram marixuana aşkar edilib.
Nəzərinizə çatdıraq ki, narkotik istifadəçiləri polis tərəfindən yaxalanıblar.
Bütün xəbərlər Facebook səhifəmizdə
USD
EUR
GBP
RUB