Azərbaycan sərhədçiləri tərəfindən yanvar ayında dövlət sərhədlərini pozduqlarına görə, 31 halda 40 nəfər saxlanılıb. Dövlət Sərhəd Xidmətinin (DSX) mətbuat mərkəzindən SİA-ya verilən məlumata görə, onlardan 22 nəfər Azərbaycan, 4 nəfər Özbəkistan, 3 nəfər Tacikistan, 2 nəfər İran, 2 nəfər Malaziya, 2 nəfər Pakistan, 2 nəfər Əfqanıstan, 3 nəfər digər ölkələrin vətəndaşları olub.
Yanvar ayında sərhəd rejimi qaydalarını pozduqlarına görə 42 halda 57 nəfər saxlanılaraq barələrində müvafiq tədbirlər görülüb. Cinayətkarlığa qarşı mübarizə tədbirləri çərçivəsində hüquq-mühafizə orqanları tərəfindən axtarışda olan 177 nəfər saxlanılaraq aidiyyəti orqanlara təhvil verilib.
Qaçaqmalçılıq fəaliyyətinə qarşı mübarizə nəticəsində 41 halda ümumi dəyəri təqribən 1 milyon 54 min manat olan qaçaqmal tutulub.
Bütün xəbərlər Facebook səhifəmizdə
USD
EUR
GBP
RUB