Şirvanda baş verən yol-nəqliyyat hadisəsi zamanı sərnişin daşıyan mikroavtobus aşıb, 3 nəfər xəsarət alıb. SİA-nın Aran bürosunun verdiyi məlumata görə, bu gün saat 18:00 radələrində Şirvan şəhərinin Ş.Qurbanov küçəsində sürücü 1969-cu il təvəllüdlü Abasov Şövqi Bəhrəm oğlu idarə etdiyi 10 OC 785 nömrəli sərnişin daşıyan Mikroavtobusla hərəkətdə olarkən yol kəsişməsindən sürətlə gələn, Salyan sakini, 1992-ci il təvəllüdlü Kərimzadə Xəyal Babanəzər oğlunun idarə etdiyi VAZ 2107 markalı 10 GZ 766 nömrəli avtomobillə toqquşub.
Nəticədə mikroavtobusda olan sərnişinlərdən 3 nəfər - Şirvan sakinləri, 1983-cü il təvəllüdlü Əhmədov Emil Vaqif oğlu, 1981-ci il təvəllüdlü Musayeva Xalidə Allahpayı qızı, 2004-cü il təvəllüdlü Əmrahova Aytən Əli qızı müxtəlif dərəcəli bədən xəsarətləri alaraq Şirvan şəhər mərkəzi xəstəxanasının travmatalogiya şöbəsinə yerləşdiriliblər.
Faktla bağlı Şirvan Polis şöbəsində araşdırma aparılır.
İqbal Mikayılov
Bütün xəbərlər Facebook səhifəmizdə
USD
EUR
GBP
RUB