Xətai rayonu ərazisində yerləşən binada partlayış olub. Bu barədə SİA-ya Fövqəladə Hallar Nazirliyinin (FHN) mətbuat xidmətindən məlumat veriblər. Məlumata görə, dünən nazirliyin "112" qaynar telefon xəttinə Bakı şəhəri, Xətai rayonunda binada qaz balonunun partlaması barədə məlumat daxil olub.
Dərhal FHN-in müvafiq xilasetmə və yanğınsöndürmə qüvvələri hadisə yerinə cəlb olunublar. Hadisə yerində əməliyyat şəraiti qiymətləndirilərkən məlum olub ki, beşmərtəbəli yataqxana binasının 4-cü mərtəbəsində məişətdə istifadə olunan kiçik həcmli qaz balonu partlayıb.
Yanğın hadisəsi, dağıntı və xəsarət alan olmayıb. Xilasedicilər və yanğınsöndürənlər hadisə yerində müvafiq təhlükəsizlik tədbirləri görüblər.
Bütün xəbərlər Facebook səhifəmizdə
USD
EUR
GBP
RUB