Martın 9-dan 10-na keçən gecə saat 01.00 radələrində Abşeron rayonunun Qobu qəsəbə sakini Dadaş Dadaşov yaşadığı evin həyətində naməlum şəxs tərəfindən odlu silahla qətlə yetirilib.
Daxili İşlər Nazirliyindən SİA-ya verilən məlumata görə, prokurorluq və polis orqanlarının əməkdaşlarından ibarət yaradılmış istintaq-əməliyyat qrupu hadisə yerinə baxış keçirib və orada "Makarov" tipli tapançaya aid 8 ədəd giliz aşkar edilib.
Daxili İşlər Nazirliyinin Baş Cinayət-Axtarış İdarəsi, Abşeron rayon Prokurorluğu və Polis Şöbəsi əməkdaşlarının həyata keçirdikləri təxirəsalınmaz tədbirlərlə martın 10-da cinayəti törətməkdə şübhəli bilinən Qobu qəsəbə sakini Nazim Muxtarov tutulub. Cinayətin aləti olan "Makarov" tapançası isə Qaradağ rayonunun Qızıldaş qəsəbəsindəki daş karxanalarından birinin ərazisində aşkar edilib götürülüb.
Qeyd edək ki, faktla bağlı Cinayət Məcəlləsinin 120.1-ci (Qəsdən adam öldürmə) maddəsi ilə rayon Prokurorluğunda başlanmış cinayət işi üzrə zəruri istintaq hərəkətləri və əməliyyat tədbirləri davam etdirilir.
Bütün xəbərlər Facebook səhifəmizdə
USD
EUR
GBP
RUB