Ötən gün Xəzərin Bakı sahilində, balıqçı gəmisində baş vermiş partlayış nəticəsində ölən şəxslərin meyitləri ailələrinə verilib. SİA-nın məlumatına görə, dünyasını dəyişmiş 4 nəfər şəxs bu gün dəfn ediləcək.
Qeyd edək ki, məlum hadisə Xətai rayonu, Zığ şosesi, 57-ci quru yük limanı adlanan ərazidə, "Nargilə" kafesinin arxa hissəsində - "PTS 225 Mərdəkan" gəmisində baş verib. Azərbaycanın DSP şirkətinə məxsus olduğu bildirilən gəmidə olan 4 nəfər - kapitan, 1964-cü il təvəllüdlü Xalatuyev Hacı Həsən oğlu, mexanik Sahib Beydullayev, motorçu, 1965-ci il təvəllüdlü Maarif Ağayev və qaynaqçı, 1960-cı il təvəllüdlü Hacıyev Mehman Cəmil oğlu hadisə yerində dünyalarını dəyişib. Partlayışdan sonra yanğın baş verdiyindən onların meyitlərini yanğınsöndürənlər aşkarlayıblar.
Faktla əlaqədar Bakı şəhər Prokurorluğunda Cinayət Məcəlləsinin 162.2-ci (əmək mühafizəsi qaydalarını pozma) maddəsi ilə cinayət işi başlanıb və istintaq aparılır.
Bütün xəbərlər Facebook səhifəmizdə
USD
EUR
GBP
RUB