Ağcabədi rayonu ərazisində 2 nəfərin ölümü, 2 nəfərin yaralanması ilə nəticələnən ağır yol-nəqliyyat hadisəsi baş verib. Baş Dövlət Yol Polisinin mətbuat xidmətindən SİA-ya verilən məlumata görə,oktyabrn 5-də saat 19.00 radələrində Aran-Bəhramtəpə yolunun 92-ci km-də Ağcabədi rayon sakini, 42 yaşlı Həsənov Ramiz Cəlal oğlunun idarə etdiyi "VAZ 2106" markalı, 04-BB-746 dövlət qeydiyyat nişanlı avtomobillə Bərdə rayon sakini, 56 yaşlı Mustafayev Fazil Cəlal oğlunun sürdüyü "VAZ 2121" markalı, 20-BL-395 nömrəli avtomobil toqquşub.
Qəza nəticəsində "VAZ 2106" markalı avtomobilin sərnişinləri, Ağcabədi rayon sakinləri, Həsənova Tamella İmamqulu qızı və 6 yaşlı nəvəsi Həsənov Şəfa Ramiz oğlu hadisə yerində ölüb, hər iki avtomobilin sürücüləri xəsarət alaraq Ağcabədi Mərkəzi Rayon Xəstəxanasına çatdırılıb.
Faktla bağlı araşdırma aparılır.
İlahə Vəliyeva
Bütün xəbərlər Facebook səhifəmizdə
USD
EUR
GBP
RUB