“Mançester Yunayted”in futbolçusu rəqibini yerə yıxıb

“Mançester Yunayted”in yarımmüdafiəçisi Maruan Fellaini İngiltərə premyer Liqasının 15-ci turunun “Arsenal”la oyununda gözlənilməz hərəkəti ilə diqqət mərkəzinə düşüb. “Goal.com”un yaydığı məlumata görə, belçikalı futbolçu onu ötməyə çalışan "topçular"ın oyunçusu Mateo Qenduzinin saçından tutaraq, yerə yıxıb. 19 yaşlı Mateo Fellainiyə sarı vərəqə göstərməsi üçün hakimə etiraz etsə də, bu, referinin qərarını dəyişməyib. O, yalnız şifahi xəbərdarlıqla kifayətlənib.

Qeyd edək ki, “Mançester Yunayted”- “Arsenal” oyunu 2:2 hesabı ilə başa çatıb.

Bütün xəbərlər Facebook səhifəmizdə

loading...