Avropanın ən yaxşı futbolçusu kim olacaq?

UEFA 2017/2018 mövsümündə Avropanın ən yaxşı futbolçusu adına üç namizədi açıqlayıb. Qurumun saytında yer alan xəbərə görə, bunlar "Real"ın yarımüdafiəçisi Luka Modriç, onun sabiq komanda yoldaşı, hazırda "Yuventus"da çıxış edən Kriştiano Ronaldo və "Liverpul"un hücumçusu Məhəmməd Salahdır.

Səsvermə ötən mövsüm qrup mərhələsində iştirak etmiş komandaların baş məşqçiləri və Avropa İdman Nəşriyyatı Assosiasiyası tərəfindən seçilmiş jurnalistlər arasında aparılacaq. Qeyd edək ki, qalibin adı avqustun 30-da Monakoda keçiriləcək ÇL-in qrup mərhələsinin püşkatma mərasimində açıqlanacaq.

Bütün xəbərlər Facebook səhifəmizdə