...Şənbə günü günortadan sonra Xarkovda atışma nəticəsində azı üç nəfər həlak olub. Şəhər hakimiyyətinin son məlumatlarına görə, qurbanların sayı 20-dən çoxdur.
Şəhərin meri İqor Terekovun sözlərinə görə, Rusiya atəşindən sonra şəhərdə ümumilikdə dörd partlayış baş verib, hücumlardan biri sıx yaşayış massivində baş verib.
SİA-nın əldə etdiyi məlumata görə, internetdə qəzalı vəziyyətdə olan yaşayış binasının görüntüləri yayılıb.
...Ukrayna prezidenti Vladimir Zelenski də dağılmış evin videosunu yayımlayıb və Xarkova idarə olunan bombaların atıldığını qeyd edib. Zərbə zamanı evin yaxınlığındakı trolleybus dayanacağına da ziyan dəyib. Zərərçəkənlərdən birinin trolleybusdan düşəndən dərhal sonra dayanacaqda dünyasını dəyişdiyi bildirilir.
Terekovun sözlərinə görə, daha üç zərbə sənaye müəssisələrinə endirilib.
Rusiya sərhədinə və cəbhə xəttinə yaxın olan Xarkov son həftələr demək olar ki, hər gün zərbələrə məruz qalır. Rusiya ordusu da tənzimlənən hava bombalarından istifadə edir.
Öz növbəsində ABŞ və bir sıra digər Qərb ölkələri Xarkovu qorumaq üçün Ukrayna hərbçilərinin Rusiya sərhədi ərazisinə zərbələr endirməsinə qoyulan məhdudiyyətləri aradan qaldırıb. Zelenski Xarkova hücuma həsr olunmuş yazısında Ukraynanın tərəfdaşlarını Rusiya aerodromlarına hücum etmək imkanı verməyə çağırıb.
Əli Babayev
Bütün xəbərlər Facebook səhifəmizdə
USD
EUR
GBP
RUB