5-7 sentyabr 2014–cü il tarixində "Realmadrid Fondunun" sosial futbol məktəbində Azərbaycan Respublikasının Gənclər və İdman Nazirliyinin Realmadrid Fondu ilə birgə həyata keçirdiyi "Futbol vasitəsilə uşaqların sağlamlıqlarının qorunması və sosial həyata inteqrasiyası" adlı layihəsi çərçivəsində RMF-in beynəlxalq treneri Viktor de Arse (Viktor de Arce) yenidən Bakıya təşrif buyuraraq müəllim-məşqçilər üçün təlimlər keçirəcək. Nazirliyin mətbuat xidmətindən SİA-ya verilən xəbərə görə, Azərbaycan Respublikasının Gənclər və İdman Nazirliyinin və Təhsil Nazirliyinin Realmadrid Fondu ilə birgə layihə çərçivəsində yaratdığı "Realmadrid Fondunun" sosial futbol məktəbi 1 ildən artıqdır ki Vətən RIOEUG Futbol məktəbi nəzdində ölkəmizdə fəaliyyət göstərir.
Fəaliyyət dövründə Realmadrid Fondunun beynəlxalq təlimçisi 2013-cü ilin iyun ayında Bakıda məşqçi-müəllimlərə təlim keçib və həmin müəllimlər sertifikatlaşdırılıb. Təlimlər yüksək səviyyədə təşkil olunduğunu nəzərə alaraq və canlı monitorinqə ehtiyac olduğu üçün Victor de Arceyə yenidən Bakıya gəlməsi ilə bağlı təklif edilib və təklif qəbul olunub.
Belə ki, təlimlər 17 məşqçi-müəllim üçün keçiriləcək. Təlimdə həmçinin Naxçıvan Muxtar Respublikasından və Fizuli rayonundan məşqçi - müəllimlər iştirak edəcəklər. Həmin məşqçilər ispan futbol təcrübəsini mənimsəyərək uşaqlara gələcəkdə dərs deyəcəklər.
Qeyd etmək istərdik ki, layihənin tərəfdaşları: Azərbaycan Respublikası Təhsil Nazirliyi və Azərbaycan Futbol Federasiyalar Assosiasiyasıdır. Baş sponsor "AzərİdmanServis"dir.
Bütün xəbərlər Facebook səhifəmizdə
USD
EUR
GBP
RUB