Gənc boksçulardan ibarət Azərbaycan millisi Monteneqroda keçiriləcək dünya birinciliyinə hazırlığını davam etdirir. Azərbaycan Boks Federasiyasından SİA-ya verilən məlumata görə, yığma toplanışın növbəti hissəsini Özbəkistanda keçəcək.
Komanda Daşkənd vilayətinin Yanqiabad şəhərində ev sahibləri, Ukrayna, Tacikistan və Belarus millisi ilə təşkil olunacaq məşqlərə 13 boksçu ilə yollanıb.
Məşqçilər korpusu hazırlığa Bilalhəbaşi Nəzərov (48 kiloqram), Zidan Hümbətov (51 kiloqram), Ömər Aslanlı (54 kiloqram), Tağı Nəsibov (57 kiloqram), Məhəmmədəli Qasımzadə (60 kiloqram), Əli Abdullayuev (63,5 kiloqram), Ziya Həsənov (71 kiloqram), Abbasqulu Şadlinski (75 kiloqram), Lalə Mədətova (48 kiloqram), Cəmilə Sultanlı (50 kiloqram), Aynur Mikayılova (57 kiloqram), Qızbəs İsgəndər (60 kiloqram) və Emili Rzayevanı (63 kiloqram) cəlb edib.
Bu gün başlayacaq toplanış oktyabrın 17-də yekunlaşacaq.
Qeyd edək ki, dünya birinciliyi oktyabrın 22-dən noyabrın 3-dək Budva şəhərində keçiriləcək.
Bütün xəbərlər Facebook səhifəmizdə
USD
EUR
GBP
RUB