Onlayn alış-veriş edərkən nələrə diqqət edilməlidir? - ARAŞDIRMA

Onlayn alış-veriş əməliyyatlarınızda hər hansı saxta əməliyyatlarla qarşılaşmağınıza onlayn alış-veriş fırıldaqçılığı deyilir. Onlayn alış-veriş dələduzluğu son vaxtlar ən çox yayılmış fırıldaqlardan biridir. İnternetin geniş yayılmasından sonra internet fırıldaqları da artıb.

İnsanlar internet vasitəsilə dələduzluq cinayətləri törədirlər ki, bunu normal həyat tərzində edə bilməzlər. İnternetdə şəxsiyyətini daha asan gizlədən fırıldaqçılara aldanmamaq üçün tanış olmayan saytlardan alış-veriş etməməli, kartınızla bağlı vacib məlumatları istəyən saytlardan uzaq durmalısınız.

Bildiyimiz kimi koronavirus epidemiyası dünyaya təsir etdi və istehlakçıların alış-veriş vərdişləri də dəyişdi. Hal-hazırda onlayn alış-veriş edənlərin sayı artıb. Bəs, onlayn alış-veriş edərkən nələrə diqqət etməliyik? Dükan-dükan gəzməkdən bezmisinizsə, lakin onlayn seçimlərinizdən də əziyyət çəkirsinizsə, asan onlayn alış-veriş üçün bu məsləhətləri yoxlayın.

Koronavirus epidemiyası ilə əlaqədar onlayn alış-veriş artmağa başlayıb. Bir çox vətəndaş mağazalarda uyğun məhsul axtarmaq əvəzinə onlayn alış-veriş edir. Onlayn alış-veriş edərkən nəzərə alınmalı olan bəzi məqamlar bunlardır:

Doğru alış-veriş təhlükəsiz sayt tapmaqdan başlayır

İlk növbədə, düzgün alış-veriş təhlükəsiz sayt tapmaqdan başlayır.

Anonim saytlara şübhə ilə yanaşmaq lazımdır

Çox az tanınan və ya adı heç eşidilməmiş saytlara şübhə ilə yanaşmaq lazımdır. Ünvan, başlıq və məlumatlar tam qeydiyyatdan keçməlidir. Məhsulların növü, miqdarı, rəngi, qiyməti, yığım məlumatları (ƏDV daxil olmaqla) daxil edilməlidir.

Ünvan sətirinə veb saytın adını yazın

İstehlakçılar skeptik olmalıdırlar. Əgər vebsaytda durğu işarələrinin çoxluğu, loqoda rəng tonu fərqliliyi, şrift dəyişikliyi varsa, bilməlisiniz ki, həmin sayt tanınmış internet alış-veriş saytının imitasiyasıdır. Bu zaman axtarış sistemində internet saytlarını axtarmaq yerinə ünvan sətrində birbaşa saytın tam adı yazılmalıdır.

Məsafədən satış müqaviləsini oxuyun

Məhsulu seçdiniz, ödəniş üsulunu seçdiniz, indi son bir addım qaldı, ödəmə düyməsini sıxmaq, o düyməni basmazdan əvvəl bir şey haqqında düşünmək lazımdır. Siz məsafədən satış müqaviləsini oxumusunuz? Əgər oxumamısınızsa, siz həm hüquqlarınızdan, həm də öhdəliklərinizdən xəbərsizsiniz.

Təhlükəsiz ödəniş üsulunu seçin

Ödənişləri həyata keçirərkən virtual kartdan istifadə etməyi və təhlükəsiz ödəniş üsulunu seçməyi xatırlamaq vacibdir.

Məhsul sifarişindən imtina hüququnuzdan istifadə edə bilərsiniz

Məhsul qapınıza çatdı, lakin əskik məhsul və ya sifariş etmədiyiniz məhsul çatdırıldı. Bu halda siz müqavilədən irəli gələn geri çəkilmə hüququndan istifadə etməlisiniz. Eyni zamanda məsafəli müqaviləyə birtərəfli qaydada xitam verilir.

Ölçülərinizi ölçüb dəqiqləşdirin

Ölçülər markadan asılı olaraq çox fərqli olduğundan, onlayn paltar alış-verişi zamanı ən böyük narahatlıqlardan biridir. Problemi aradan qaldırmaq üçün əvvəlcədən ölçmələrinizi dəqiqləşdirin və ölçü cədvəlini yoxlayın. Bəzi saytlarda hətta bədəninizi harada və necə ölçmək lazım olduğunu göstərən ölçü cədvəlləri var, buna görə də düzgün məlumatla başlamalısınız.

Çalışın ödənişsiz çatdırılma olan geyimləri seçin

Bir çox onlayn mağaza, müəyyən bir məbləğdən çox xərclədiyiniz təqdirdə pulsuz çatdırılma təklif edir. Lazım olan paltarları dərhal alın və geyiminizi çatdırılma xərclərindən xilas edin.

Geyimin altındakı rəyləri oxuyun

Rəylər geyimlərin davamlılığını, onların hansı vəziyyətdə olduğunu, rahatlığını və ölçü cədvəlinə nə qədər uyğun olduğunu təsdiq edə bilər. Bəzi rəylərə müştərilərin şəkilləri də daxildir. Yəni, bəzi müştərilər geyimi əldə etdikdən sonra başqa alıcılar da faydalansın deyə geyinib şəklini saytda paylaşır.

Materiallar haqqında məlumatlanın

Bu ipucu ilk dəfə onlayn alış-veriş edənlər üçün intuitiv olmaya bilər, çünki materialı mağazada əldə etmək asandır, lakin paltarın uyğunluğunu, görünüşünü və toxumasını müəyyən etmək üçün parçanı yoxlamaq vacibdir. Paltarın nədən hazırlandığını bilmək, geyindiyiniz zaman paltarın necə kiçiləcəyi, uzanacağı barədə düşünməyə kömək edir.

Nəticələri analiz edin

Onlayn mağazalar onlayn olmayan mağazalardan daha çox seçim təklif edirlər, çünki saxlama məhdudiyyəti yoxdur. Seçimlərin çoxluğu həddən artıq çox ola bilər.

Qaytarma şərtlərini oxuyun

Bunları nəzərə alaraq, geri qaytarma siyasəti ilə tanışsınızsa, onlayn aldığınız paltarlardan razı deyilsinizsə, problem yaşamamalısınız. İstənməyən paltarları müəyyən edilmiş müddət ərzində qaytardığınızdan əmin olun. Mağaza geri qaytarmağa icazə vermirsə, başqa yer axtarmağı düşünün. Siz adətən saytda istənilən səhifənin aşağı hissəsində geri qaytarma siyasətinə keçid tapa bilərsiniz.

Çatdırılma zamanını yoxlayın

Geyimlərin sizə çatması təqribən üç həftə çəkə bilər - əgər beynəlxalq alış-veriş edirsinizsə, daha çox vaxt lazımdır. Normalda, bu böyük bir şey deyil, amma dostunuzun toyu üçün lazım olan paltarı tədbirdən bir gün əvvəl almamağı unutmayın.

SİA onlayn alış-veriş edərkən nələrə diqqət etməli olduğumuz barədə psixoloq və geyim üzrə mütəxəssislərin fikirlərini öyrənib.

Psixoloq Zeynəb Eyyubova: “Ümumiyyətlə, bəzi işlər var ki, insanın beynində sirotanin və dopamin hormonunu qaldırır. Bunları dərman vasitəsi və ya hər hansı bir işləri görərək etmək olur. Hər insanın dopamin və sonatanin hormonunu qaldıran işlər fərqlidir. Məsələn, idmanla məşğul olan insanların dopamin enerjisini idmanla məşğul olmaq qaldırır və yaxud başqa birisi isə qadınlar daha çox alış-veriş edərkən onların xoşbəxtlik hormonları yüksəlir. Bu düzdür, yüz faiz qadınlara aid deyil. Amma 90 faiz etibarilə qadınlar alış-veriş edərkən daha çox zövq alır və bundan xoşbəxt olurlar. Ona görə də psixoloji cəhətdən xoşbəxt olduqlarını hiss edirlər.

Amma həddən artıq çox bu işi görən var ki, yəni qolik vəziyyətinə gələn o artıq pik həddidir. Yəni, hər şey həddində gözəldir. Əgər dayanmadan bu hadisə baş verirsə hər gün artıq bu pik həddidir və psixoloji konsultasiya vacibdir”.

Stil məsləhətçisi, geyim psixoloqu Rena Əliyeva: “Onlayn alış-veriş zamanı insan ilk öncə öz bədən quruluşunu bilməlidir ki, düzgün seçim etsin. Çünki bədən iki hissəyə ayrılır: yuxarı bədən və aşağı bədən. Bəzi insanların yuxarı bədəndə problemi ola bilər. Problem dedikdə buraya çiyinlərin normal standartdan daha kiçik olması, qarın hissənin artıqlıq təşkil etməsi, sinənin böyüklüyü nəzərdə tutula bilər. Bu insanlara onlayn alış-verişdə üst hissə üçün geyim almağı məsləhət görmürük. Çünki bu tip bədən quruluşu olan insanlar geyimi geyinib üzərlərində görməlidirlər.

Ayaqlar incədirsə, alt hissə üçün geyimlər sifariş etmək daha rahatdır. Bəzi insanların isə çanaq hissəsi normadan geniş və balacadır. Bu tip insanlar da alt hissə geyimlərini onlayn sifariş verməkdə çətinlik çəkəcəklər.

Onlayn sifarişdə ən risksiz parçalar geniş donlardır. Əgər çiyin asqısı yerindədirsə bədənə tam yapışmayan geniş donlar uğurlu seçim olur və bunu bir çox bədən tipi geyinə bilir. Ümumiyyətlə, geniş geyimlərə onlayn seçimdə üstünlük vermək yaxşıdır. Dar geyimləri isə üstümüzdə görməliyik. Bədəni düzgün tanıyıb sifariş versək hər şey daha yaxşı olacaq.

Əsas məsələ keyfiyyətdir. Hal-hazırda insanlar mağazalarda geyimi geyinib yoxladıqdan sonra eyni parçanın onlayn sifarişini edirlər. Bunun da səbəbi aradakı olan kəskin qiymət fərqidir. Bu daha məntiqlidir.

Onlayn sifariş incə xanımlar üçün çox böyük problem yaratmasa da artıq çəkili xanımlar üçün müəyyən problem yaradır. Əsas bədən ölçümüzü bilməliyik. Bunun üçün də internetdən araşdırma edə bilərik. Həmçinin hər mağazanın da ölçü sistemi fərqlidir. Onlayn sifarişdə uğursuz addım atmamaq üçün profesional dəstək almaq şərtdir. Mən, müştəri üçün onlayn geyim sifariş etdikdə hər mağazadan fərqli şəkildə ölçü cədvəlini tələb edirəm. Çünki onların balaca bədənləri başqa markada orta bədən sayılır. Bu da ölkələrdəki qadınların bədənlərinə görə təyin edilir.

Onlayn sifariş heç də asan deyil. Hətta normal alış-veriş etməkdən daha çətindir. Seçim etmək, gələn rəngin bizi yanıltmağı da olur. Burada ən vacib məqam da təcrübədir. Mağazanın hansı keyfiyyətdə olmasını, qiymətin münasibliyini isə biz mütəxəssislər bilirik”.

Ayşən Vəli