YAP Bərdə rayon təşkilatında “Xalqın vahidliyi” mövzusunda tədbir keçirilib FOTOLAR

“İdeoloji maarifləndirmə konsepsiyası” ilə bağlı YAP Bərdə rayon təşkilatı təbliğat qrupunun üzvü, Bərdə bələdiyyəsinin sədri Sadiq Xəlilovun təşkilatçılığı ilə keçirilən tədbir YAP rayon təşkilatının həyətində şəhər 3 saylı tam orta məktəbin açdığı şagirdlərin əl işlərindən ibarət sərgiyə və xalqın vahid birlyi ilə bağlı hazırladıqları kompozisiyaya baxışla başlamışdır. Sonra tədbir rayonun şəhid anaları, qazilər, müxtəlif kateqoriyadan olan iş adamları, media, özəl sektor və müxtəlif partiyaların yerli təşkilatlarının nümayəndələrinin iştirakı ilə dəyirmi masa arxasında keçirilmişdir. Torpaqlarımızın ərazi bütövlüyü uğrunda həlak olmuş şəhidlərimizin xatirəsi bir dəqiqə sükutla anıldıqdan sonra Sadiq Xəlilov mövzunun mahiyyətini açıqlamış, xalqımızın vahidliyinin dövlətimizin qazandığı qələbələrin əsas amili olduğunu xüsusi vurğulamışdır.

Sonra YAP Bərdə rayon təşkilatının sədri Fəqət Şadlinskaya xalqımızın ümummilli lideri Heydər Əliyevin azərbaycançılıq ideologiyası ətrafında respublikamızda yaşayan bütün millətlərin vahid xalq birliyinin möhkəmliyindən, müzəffər Ali Baş Komandan cənab İlham Əliyevin rəhbərliyi altında və dəmir yumruğu ətrafında xalq – iqtidar - Ordu birliyindən və xalqın vahidliyinin bəxş etdiyi uğurlardan danışmış, onun Qələbələrimizi təmin və əbədi edən mühüm faktor olduğunu bildirmişdir. Diskussiya şəraitində keçən tədbirdə YAP Bərdə rayon təşkilatı təbliğat qrupunun üzvləri-Samir Səfərov, Etibar Hüseynova, Mehparə Mustafayeva, Tofiqə Məmmədova, Teymur Həmidov, Məhərrəm Şəfiyev, həmçinin şəhid ailələri – Radə Qurbanova, Arzu Hüseynova, Türkanə Qəribzadə, Qeyri hökumət təşkilatı və İctimai Birliklərin sədrləri Aydın Zeynalov, Bəxtiyar Hüsiyev, Nərgiz Cəfərova, iş adamı Fəxrəddin Hüseynov, bələdiyyə sədri Knyaz Əliyev, media və din adamları xalqın vahidliyinin müxtəlif aspektlərinin təbliğ olunmasının böyük əhəmiyyətindən danışmışlar.

Tədbir YAP Bərdə rayon təşkilatının foyesində qoyulmuş ulu öndər Heydər Əliyevin büstünün ətrafında birliyin rəmzi olaraq şəkil çəkdirilməsi ilə başa çatmışdır.

Bütün xəbərlər Facebook səhifəmizdə

loading...