Türkiyə mediası Prezidentin səfir Erkan Özoralı qəbul etməsini geniş işıqlandırıb FOTOLAR

Prezidenti İlham Əliyevin aprelin 10-da Türkiyə Respublikasının Azərbaycanda fövqəladə və səlahiyyətli səfiri Erkan Özoralı qəbul etməsi və səfirə "Dostluq" ordenini təqdim etməsi qardaş ölkə mediası tərəfindən geniş işıqlandırılıb. SİA xəbər verir ki, Anadolu agentliyi, "TRT Haber" telekanalı, "Sabah", "Yeni Akit" və digər qəzetlər qəbulun təfərrüatlarını türkdilli oxuculara çatdırıblar.

Bununla bağlı xəbərlərdə Azərbaycan dövlət başçısının Türkiyə səfiri barədə xoş sözləri, eləcə də qardaş ölkənin diplomatik nümayəndəliyinin rəhbərinin səmimi fikirləri yer alıb.

Türkiyə KİV-ləri Prezidenti İlham Əliyevin səfirə müraciətlə dediyi bu sözləri sitat gətiriblər: "İndi vətənə qayıdırsınız, əslində, siz vətəndəsiniz və hər zaman burada sizin yeriniz var, bizim ürəyimizdə yeriniz var. Bilirəm ki, Azərbaycan ictimaiyyəti, Azərbaycanda fəaliyyət göstərən ictimai təşkilatlar, media nümayəndələri, rəsmi şəxslər sizin fəaliyyətinizə çox böyük qiymət verirlər, o cümlədən mən. Çünki bu illərdə, əlbəttə ki, həm burada, həm Türkiyədə çoxsaylı səfərlərim əsnasında sizin fəaliyyətinizin şahidi olmuşam və görmüşəm. Bilirəm ki, siz bütün səylərinizi iki qardaş xalqın bir-birinə daha yaxın olmasına istiqamətləndirmisiniz".

Səfir Erkan Özoral Azərbaycanın Vətən müharibəsinə şahidlik etməyin onun üçün çox böyük xoşbəxtlik olduğunu söyləyib. İnformasiyalar qəbuldan çəkilmiş video və fotolarla təqdim olunub.

Müəllif: Ceyhun Rasimoğlu

Bütün xəbərlər Facebook səhifəmizdə

loading...