"Dondurulmuş qidaların keyfiyyəti və dəyəri əsasən dondurma texnologiyasından və saxlanma şəraitindən asılıdır". Bu sözləri SİA-ya açıqlamasında qida mühəndisi, nutrisioloq Fərid Səfərov deyib.
Onun sözlərinə görə, dondurma, qidanın tərkibindəki suyun buz kristallarına çevrilməsi vasitəsilə mikroorqanizmlərin və fermentlərin fəaliyyətini dayandıran üsuldur: "Bu proses qidanı təbii şəkildə “dayandırmaq” deməkdir. Doğru temperaturda (–18°C və ya daha aşağı) aparıldıqda məhsulun strukturu, vitamin və mineral tərkibi, dad və qoxusu uzun müddət qorunub saxlanılır. Qida dəyərinə təsir baxımından mineral itkiləri və struktur dəyişiklikləri çox az olur və bu itkilər qidanın ümumi dəyərinə demək olar ki, təsir etmir.
Əgər dondurma prosesi düzgün aparılmasa, bir sıra problemlər yarana bilər. Yavaş dondurulma zamanı hüceyrə quruluşu zədələnir və məhsulun teksturası pisləşir. Məhsul bir neçə dəfə dondurulub-çözdükdə bakteriya artımı baş verir və qida zəhərlənməsi riski yüksəlir. Uzun müddət (6 aydan çox) saxlanıldıqda isə vitamin itkisi və dad dəyişiklikləri müşahidə oluna bilər. Düzgün texnologiya ilə dondurulmuş məhsullar təzə qida qədər faydalı ola bilər. Əsas amillər məhsulun necə dondurulduğu, necə saxlandığı və necə çözülməsidir. Çözülmə prosesi otaq temperaturunda deyil, soyuducuda aparılmalıdır. Qida dəyərinə ən çox təsir edən mərhələ dondurulma yox, məhz çözülmə və bişirmə prosesidir".
Bütün xəbərlər Facebook səhifəmizdə
.jpg "Ramiz Mehdiyevin Vəkilləri ŞİKAYƏTİ GERİ ÇƏKDİ - ŞOK SƏBƏB!")
USD
EUR
GBP
RUB