İrsi xəstəliklər, onların növləri, yaranma səbəbləri və müasir müalicəsi barədə həkim danışdı.
"Birinci, irsi və anadangəlmə xəstəliklərin fərqini bilməliyik". Bu sözləri SİA-ya açıqlamasında həkim Tariel Eyvazov deyib.
O, bildirdi ki, anadangəlmə xəstəliklərə vərəm, ispit kimi xəstəliklər aiddir: "Təəssüf ki, irsi xəstəliklər çox yayılıb, sayı da artır. Ümumdünya Səhiyyə Təşkilatının verdiyi son məlumata görə anadan olan uşaqların 6%-i bu və ya digər formada genetik xəstəliklərlə dünyaya gəlir. Buraya müəyyən yaş həddinə çatanda özünü göstərən xəstəliklər də daxildir. İrsi xəstəliklər nəsildən-nəslə ötürülür. Bəs bunların səbəbi nədir? Bu xəstəliklər orqanizmdə gen və xromosomlar vasitəsilə, yəni onların mutasiyası, quruluşunun dəyişməsi, xromosomun miqdarının artması və ya azalması nəticəsində baş verir. Hazırda 4-6 min gen xəstəliyi haqqında məlumat verilir. Ən çox ağıl zəifliyi, psixi xəstəliklər, şizofreniya, boyun inkişafdan qalması, şəkərli diabet, allergik xəstəliklər, asma, dəri xəstəlikləri, epilepsiya, sonsuzluq, hipertoniya, karlıq, korluq rast gəlinənlər içərisindədir.
İrsi xəstəliklərin yaranma səbəbində quhum evliliklərinin də rolu var. Xəstəliyin üzə çıxmasına ətraf mühit, radiasiya, ekologiyanın, qidalanmanın pozulması, pis vərdişlər təsir edir. Bu zaman gizli qalan irsi dəyişikliklər üzə çıxır, genlərin dağılması görünür. Xromosomların, genlərin işləmə fəaliyyəti azalır, bəzən dayanır. Nəticədə irsi xəstəliklər ortaya çıxır. Stress də əsas səbəblərdəndir. Ona görə sağlam həyat tərzi vacibdir".
Onun sözlərinə görə, əvvəllər irsi xəstəliklərin müəyyən olunmasında çox bəsit, uyğunsuz fikirlər var idi: "Təbabətin inkişafindan sonra əvvəldən irsi xəstəliyin ola biləcəyini müəyyən etmək mümkündür. Etiraf etmək lazımdır ki, genlərlə baş verən irsi xəstəliklərin müəyyənləşdirilməsini bilmək hələ ki, mümkün deyil. DNT-nin yerlərinin müəyyən edilməsi kimi müasir diaqnostik metodlar həddindən artıq yüksək vəsait tələb edir. Yaxşı olar ki, müalicəsi və qarşısının alınması ilə məşğul olunsun. Ölkəmizdə də qanun şəklindədir ki, evlənən şəxslər arasında qan analizi aparılmalıdır. Eyni zamanda Hamiləlikdə diqqətli olmaz lazımdır. Hamilə qadına mikroçiplər yerləşdirilir və nəzarətdə saxlanılır. Bununla da körpə müşahidə edilir, irsi xəstəlik təsbit olunur. Əl çatan hal kimi hamiləliyin 18 həftəliyində ultrasəs müayinəsindən keçmək lazımdır".
Sözlərinə davam edən həkim sonda deyib: "Müalicəni də vaxtında etmək lazımdır. Uşaq anadan olduqdan sonra boyun qısa olduğunu göstərən hallar varsa, ən geci 2-3 ayda edilməlidir. Gecikəndən sonra istənilən effekti vermir. Cərrahi müalicələrdə, dalağın çıxarılması, sümük iliyinin dəyişilməsi, timus vəzinin transplantasiyası ağır hallardır, məqsədəmüvafiq olmur. Vitaminlərin köçürülməsi, insulinin verilməsi, qoruyucu maddələrin bədənə daxil edilməsi, müalicəvi qidalanma daha uyğundur. Amma etiraf edək ki, hələ də bu sahədə müalicə istənilən səviyyədə deyil. Dünya üzrə geniş tədqiqat işləri aparılır".
Bütün xəbərlər Facebook səhifəmizdə
.jpg)
USD
EUR
GBP
RUB
