Everest dağına qalxan ilk ABŞ vətəndaşı kimi tarixə düşən alpinist Cim Uitakker 97 yaşında dünyasını dəyişib.
SİA xarici KİV-ə istinadən xəbər verir ki, Uitakkerin ailəsi BBC-yə verdiyi açıqlamada bildirib ki, dünyanın ən yüksək zirvəsi olan Everestə qalxan ilk amerikalı kimi tanınan alpinist 7 aprel tarixində Vaşinqton ştatının Port Taunsend şəhərindəki evində vəfat edib.
“Big Jim” (Böyük Cim) ləqəbi ilə tanınan Uitakker 10 fevral 1929-cu ildə Sietldə anadan olub və 1940-cı illərdə izcilik fəaliyyəti çərçivəsində əkiz qardaşı Lou Uitakker ilə birlikdə dağçılığa başlayıb.
İki qardaş 16 yaşlarında olarkən Vaşinqton ştatındakı Olimpik dağlarının ən yüksək nöqtəsi olan Olimp dağına qalxıblar.
1963-cü ilin may ayında Everestin zirvəsinə uğurla qalxan Uitakker uzun illər dağçılıq dünyasının aparıcı simalarından biri olub.
Uitakker 83 yaşında ailəsi ilə birlikdə yenidən Everestə qalxıb.
Bütün xəbərlər Facebook səhifəmizdə
USD
EUR
GBP
RUB
