Livanın cənubundan İsrailin sərhəddəki Kiryat Şmona qəsəbəsinə raket hücumları həyata keçirilib.
İsrail ordusu radiosunun xəbərində Livanın cənubundan Kiryat Şmonaya qarşı fasilələrlə 2 hücumun təşkil edildiyi bildirilib.
Qəsəbəni hədəf alan ilk hücumda 4 raketin, ikinci hücumda isə 10 raketin atıldığı xəbərində can itkisinin olmadığı, lakin bəzi raketlərin boş evlərə dəydiyi qeyd edilib.
SİA-nın türk saytlarından əldə etdiyi məlumata görə, Livandakı Hizbullah Hərəkatı Kiryat Şmonaya hücumla bağlı hələlik açıqlama verməyib.
Bununla belə, Hizbullah 8 oktyabr 2023-cü ildən bəri tez-tez sərhədə ən yaxın yaşayış məntəqəsini hədəfə alır.
Digər tərəfdən, Livan mətbuatında yer alan xəbərlərə görə, İsrail döyüş təyyarələri Livanın cənubunda sərhəd bölgəsindəki Beyt Lif, Kfar Hammam, Marcayun düzü və Hula qəsəbələrinə hücumlar təşkil edib.
Oktyabrın 8-dən bu yana sərhəddə İsrail ordusu ilə Hizbullah arasında baş verən qarşıdurmalarda 219 Hizbullah üzvü, 43 livanlı mülki, 11 Amal Hərəkatı, 12 Həmas və 12 İslami Cihad üzvü, 6 İsrail vətəndaşı və 11 əsgər həlak olub.
Bütün xəbərlər Facebook səhifəmizdə
.jpg "Mehdiyevə görə bu şəxslər SAXLANILDI ? - YENİ FAKTLAR!")
.jpg "50 nəfərlik siyahı DAĞIDILDI! - KİMLƏR MƏHV OLDU?")
USD
EUR
GBP
RUB