"Azərbaycan bütün tərəfdaşlarla qarşılıqlı hörmət əsasında, bir-birinin daxili işlərinə qarışmamaq prinsipi əsasında münasibətlər qurub". Bu sözləri SİA-ya açıqlamasında deputat Könül Nurullayeva deyib.
O bildirib ki, Almaniya ilə əlaqələrdə də bu prinsiplər üstünlük təşkil edir: "Bütün dövlətlər kimi Azərbaycan üçün də ərazi büvütövlüyü və suverenliyə hörmətlə yanaşılması əsas prioritetdir. Bu məsələ Almaniya Prezidentinin ölkəmizə səfəri zamanı bir daha aktuallaşdı. Səfərdən öncə öz rəsmi sosial şəbəkədəki səhifəsində yol verdiyi siyasi səhvin cavabı ən yüksək səviyyədə verildi.
Ümumiyyətlə, Almaniyanın Cənubi Qafqaz siyasətində müəyyən boşluqlar müşahidə olunur. Hər nə qədər Ştayenmayer Qarabağı Azərbaycanın tərkib hissəsində tanıdığını etiraf etsə də bu ölkənin Ermənistana yanaşması, atılan bəzi qərəzli addımlar təəssüf doğurur. Berlinin ən böyük səhvi işğalçı ilə işğala məruz qalan arasında fərq qoymamasıdır. Hələ ki, Almaniya Fransa kimi Ermənistana öldürücü silahlar ötürməsə də “balansı qorumaq” ritorikası da qəbuledilən deyil. Belə yanaşmalar Ermənistanı arxayınlaşdırır, sülh ətrafında manipulyasiyanı davam etdirməsinə zəmin yaradır. Almaniya tərəfi sərhədyanı bölgələrdə Ermənistanın törətdiyi təxribatlarla bağlı narahatlıq ifadə edə bilərdi, irəli sürülən şərtlərin yerinə yetirilməsini tələb etməsə də tövsiyə edə bilərdi. Amma bunun əksinə olaraq, qondarma rejimin “bayrağı” virtual olaraq nümayiş olunur, alman telekanalında tarixi faktları təhrif edən film nümayiş etdirilir və s. Bu yanaşma heç bir halda ədalətə söykənmir.
Cənab Prezident Almaniya başda olmaqla bəzi bəlli Qərb dairələrinə növbəti dəfə xəbərdarlıq etdi. Dövlət başçımız bəyan etdi ki, Ermənistanın baş nazirindən sülh göyərçini düzəltməyə ehtiyac yoxdur. İkinci Qarabağ savaşından sonra regionda ilk sülh təşəbbüsünün müəllifi Azərbaycandır. Bu gün Azərbaycanın irəli sürdüyü şərtlər yenilik deyil. Ermənistanın bu şərtləri yerinə yetirməsi üçün heç bir maneə yoxdur. ATƏT-in Minsk Qrupunun ləğvi, Ermənistanın Konstitusiyasında dəyişiklik labüddür. Bu, dayanıqlı sülhün təminatıdır".
Bütün xəbərlər Facebook səhifəmizdə
.jpg)
USD
EUR
GBP
RUB