"Prezidentin bu mesajı əlbəttə ki, çox önəmli bir mesajdır. Burada mütləq prezidentin bu çağırışının istehlakçı davranışında fərq yaratmasına gətirib çıxaran amilləri gözləyirik. İstehlakçı davranışı dəyişməsə, heç bir müsbət fikir öz həllini tapmaz. Məsələn, bir ailə başçısı və ya bir ölkənin rəhbəri öz ailəsi üçün, öz ölkəsi üçün müəyyən yaxşı fikirlərdə ola bilər. Əgər bu fikirlər ailə üzvləri tərəfindən dəstəklənməzsə və ya zəif dəstəklənərsə, onda bu sadəcə xəyal olaraq qalar". Bu sözləri SİA-ya açıqlamasında Azad İstehlakçılar Birliyinin (AİD) sədri Eyyub Hüseynov deyib.
Onun sözlərionə görə, cənab Prezidentin bu çağırışına hamı dəstək verməlidir: "Yalnız bərpa olunan enerjilərdən istifadə etmək və enerji resurslarımıza qənaət etmək deyil, eyni zamanda insanlarımızın, vətəndaşlarımızın davranışında da ciddi dəyişiklik olmalıdır ki, qənaət olunsun və işğaldan azad olunmuş ərazilərdə müəyyən enerji çatışmazlığının qarşısı alınsın.
Bu, çox yaxşı bir çağırışdır və bütün xalq, bütün istehlakçılar bu çağırışa dəstək verib, özləri də qənaətcil olmalıdırlar.
Biz su ilə bağlı gələcəyin ən yaxşı günlərini yaşayırıq. Dünyada hidroenerji ilə bağlı böyük problemlər yaranacaq. Əlbəttə, azad olunmuş zonalarda hidroenerji imkanları nisbətən müsbətdir. Onu da qeyd edim ki, Azərbaycan su ilə təminat baxımından zəif ölkələrdən biri hesab olunur. Lakin azad olunmuş ərazilərdə hidroenerji mənbələri kifayət qədər yaxşıdır. Ona görə də cənab Prezident həmin bölgələrdə hidroenerji mənbələrindən rasional istifadə edilməsini ön plana çəkir. Yeni çaylar var, böyük hündürlükdən axan sular mövcuddur və s. Bunlardan səmərəli istifadə etmək məqsədi qarşıya qoyulub. Eyni zamanda, dünyanın çox az bir hissəsində rast gəlinən isti su mənbələri də bu bölgələrdə mövcuddur. Bu da olduqca əhəmiyyətli bir hidroenerji mənbəyidir.
Cənab Prezident də bu kimi məsələləri nəzərə alır.
Bütün xəbərlər Facebook səhifəmizdə
USD
EUR
GBP
RUB
