Qaradağ rayonunda İlham Əliyevin Prezident seçilməsinin 21-ci ildönümünə həsr olunmuş mitinq keçirilib
15 oktyabr 2024-cü il tarixdə Qaradağ rayonu Lökbatan Tibb Mərkəzində İlham Əliyevin ilk dəfə Prezident seçilməsinin 21-ci ildönümü və 2023-cü il oktayrbın 15-də Xankəndidə Azərbaycanın Dövlət Bayrağının ucaldılmasının birinci ildönümü münasibətilə mitinq keçirilib. SİA xəbər verir ki, tədbirdə YAP Qaradağ rayon təşkilatının sədri Qafar Əliyev, Lökbatan Tibb Mərkəzinin direktoru, professor Elçin Hüseynov, YAP Qaradağ rayon təşkilatının fəalları, mərkəzin əməkdaşları, rayon ictimaiyyətinin nümayəndələri və qazilər iştirak ediblər.
Əvvəlcə Ulu öndər Heydər Əliyevin və Azərbaycanın ərazi bütövlüyü uğrunda canlarından keçmiş şəhidlərin xatirəsi bir dəqiqəlik sükutla yad edilib.
Tədbiri giriş sözü ilə açan YAP Qaradağ Rayon təşkilatının sədri Qafar Əliyev 15 oktyabrın Azərbaycan tarixində xüsusi rol oynayan günlərdən biri olduğunu xatırladıb. Q.Əliyev bildirib ki, 2003-cü il oktyabrın 15-də keçirlimiş prezident seçkilərində xalqın böyük əksəriyyətinin səsini qazanan İlham Əliyevin rəhbərliyi ilə ötən 21 ildə Azərbaycanın sürətli inkişaf yolu keçdiyini, Vətən müharibəsi nəticəsində ərazilərimizin işğaldan azad edildiyini, 2023-cü il sentyabrın 19-20-də baş tutan antiteror əməmliyyatı nəticəsində ölkəmizdə separatçılağa son qoyulduğunu və həmin il oktyabrın 15-də Prezident İlham Əliyev tərəfindən Xankəndi şəhərində Azərbaycanın Dövlət Bayrağının qaldırılmasını müasir tariximizin ən parlaq səhifəsi kimi vurğulayıb.
Tədbirdə çıxış edən Lökbatan Tibb Mərkəzinin direktoru, professor Elçin Hüseynov ötən əsrin sonlarında xalqımzın qarşılaşdığı xaos, vətəndaş müharibəsi, iqtisadi tənəzzül barədə ətarflı danışıb. Yalnız Ulu öndər Heydər Əliyevin hakimiyyətə qayıdışından sonra Azərbaycanın dirçəliş dövrünə qədəm qoyduğunu, cəbhədə atəşkəsə nail olunduğunu, “Əsrin müqaviləsi”nin imzalanması ilə iqtisadi tərəqqinin başlandığını bildirib. 2003-cü ildə dövlətimizin başçısı seçilən İlham Əliyevin hakimiyyətə gəlişi ilə ölkəmizdə başlanan sürətli inkişaf dövrünü xatırladan professor xalqımızın onun ətrafında sıx yumruq kimi birləşdiyini və nəticədə bugünkü Zəfərə çatdığın vurğulayıb.
Tədbirdə digər çıxış edənlər: Lökbatan xəstəxanasının baş həkimi Cəmilə Xanmuradova, bölmə müdiri Əli Qasımov, mərkəzin əməkda Gül Qədirli və başqaları 15 oktyabr 2003-cü ilin Azərbaycan tarixindəki əhəmiyyətindən, Müzəffər Ali Baş Komandan İlham Əliyevin rəhbərliyi ilə qazanılan uğurlardan, azad edilmiş ərazilərdə aparılan nəhəng bərpa və quruculuq işlərindən geniş bəhs ediblər.
Sonda xatirə fotosu çəkdirilib.
Bütün xəbərlər Facebook səhifəmizdə
USD
EUR
GBP
RUB