Gəncədə mənzil bütün əşyaları ilə birlikdə yanıb

Gəncədə 1 otaqlı mənzilin bütün əşyaları yanıb. SİA-nın bölgə müxbirinin xəbərinə görə, hadisə şəhərin Adilxan Ziyadxanov küçəsində beşmərtəbəli yataqxananın 3-cü mərtəbəsində baş verib. Firuzə Vəliyevaya məxsus ümumi sahəsi 15 kv.m olan birotaqlı mənzildə ev əşyaları tamamilə yanıb. Hadisə yerinə Kəpəz və Nizami rayonundan hərəsindən 2 maşın gəlib. Yanğını söndürməyə ümumilikdə 20 dən artıq canlı qüvvə cəlb olunub. Hazırda yanğının hansı səbəbdən baş verdiyi məlum deyil. Faktla bağlı araşdırma aparılır.

İlham Məmmədov

Bütün xəbərlər Facebook səhifəmizdə