Bu gün futbol üzrə Çempionlar Liqasında 1/8 final mərhələsinin püşkü atılacaq. SİA-nın məlumatına görə, bununla da pley-offa vəsiqə qazanan komandalar bu mərhələdəki rəqiblərini tanıyacaqlar. Klublar qrup qalibi və ikincisi olmaqla 2 səbətə bölünüblər. Əsasnaməyə görə, eyni qrupdan çıxanlar və bir ölkəni təmsil edənlər 1/8 finalda üz-üzə gələ bilməzlər.
UEFA-nın İsveçrənin Nyon şəhərindəki mənzil-qərargahında keçiriləcək püşkatma mərasimi Bakı vaxtı ilə 15:00-da başlayacaq
Qeyd edək ki, 1/8 final mərhələsinin ilk oyunları 12-13 və 19-20 fevralda, cavab qarşılaşmaları isə 5-6 və 12-13 martda keçiriləcək.
Qrup qalibləri:
"Borussiya" (Dortmund, Almaniya)
"Barselona" (İspaniya)
PSJ (Fransa)
"Porto" (Portuqaliya)
"Bavariya" (Almaniya)
"Mançester Siti" (İngiltərə)
"Real" (İspaniya)
"Yuventus" (İtaliya)
Qrup ikinciləri:
"Atletiko" (İspaniya)
"Tottenhem" (İngiltərə)
"Liverpul" (İngiltərə)
"Şalke" (Almaniya)
"Ayaks" (Hollandiya)
"Lion" (Fransa)
"Roma" (İtaliya)
"Mançester Yunayted" (İngiltərə)
Bütün xəbərlər Facebook səhifəmizdə