Pakistanda qaçırılan məktəbli qıza görə etirazlar başlayıb

Pakistanın Qasur şəhərində itkin düşən 7 yaşlı qızın meyiti tapılıb. Qızın təcavüzə uğradığı xəbərini eşidən sakinlər etiraz aksiyası keçirir. Trend-in məlumatına görə, yüzlərlə etirazçı günahkarların tutulmasını tələb edir. Yolları bağlayan aksiya iştirakçıları ötən il ən azı 12 qız uşağının qaçırılıb təcavüzə məruz qalması və öldürülməsinə rəğmən indiyədək heç bir şübhəlinin həbs edilmədiyini bildirirlər.

Polis də qızın cinayətdən öncə cinsi zorakılığa məruz qaldığını, sonra boğularaq öldürüldüyünü açıqlayıb. Qeyd edək ki, Kot məhəlləsində yaşayan kiçik qız yanvarın 5-i məktəbə gedərkən qaçırılmışdı.

Bütün xəbərlər Facebook səhifəmizdə

loading...