"Şərq Tərəfdaşlığı" böyük potensiala malikdir və bu potensial birgə səylərlə reallaşdırmaq mümkündür. Trend-in məlumatına görə, bunu Brüsseldə "Şərq Tərəfdaşlığı"nın yeni institusional strukturunun tədimatında tədbir iştirakçılarına Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Federika Mogerinin ünvanladığı video-müraciətdə deyilir.
F.Mogerini deyib: "Biz birlikdə "Şərq Tərəfdaşlığı"nın böyük potensialını Avropa qitəsinin bütün vətəndaşları üçün reallaşdıra bilərik". F.Mogerini xatırladıb ki, ötən ilin noyabrda Brüssel sammiti zamanı Aİ və Şərq Tərəfdaşlığı ölkələri arasında əməkdaşlığı yeni, daha məqsədli səviyyəyə çatdırmaq barədə qərar qəbul edilmişdi:
"İlk dəfə olaraq bizim "Şərq Tərəfdaşlığı" çərçivəsində konkret yol xəritəmiz var ki, bura 20 praktik vəzifə daxildir və bunlara 2020-ci ilə qədr nail olunmalıdır. Bu vəzifələrdən hər biri bizim vətəndaşlarımızın gündəlik həyatı ilə bağlıdır".
Bütün xəbərlər Facebook səhifəmizdə
USD
EUR
GBP
RUB