Türkiyenin ən çox 5 ulduzlu otelinin olduğu Antalyaya ilin ilk 7,5 ayında xaricdən gələn turistlərin sayı 8 milyonu keçib. SİA bu barədə Türkiyə saytlarına istinad edir.
Dənizi, çimərlikləri, təbiəti, tarixi və mədəni dəyərləri ilə ilin 12 ayında turistləri qəbul edən Antalyada turizm fəaliyyəti koronavirus (Covid-19) epidemiyası öncəsi olan vəziyyətə qayıtmağa başlayıb.
Ötən il təxminən 9 milyon turisti qəbul edən şəhərə bu il yanvarın 1-dən avqustun 17-dək xaricdən gələn turistlərin sayı 8 milyon 15 min 366 olub.
Turistlərin gəldiyi ölkələrə nəzər salsaq, vari il Rusiyanın tutduğu birinci yeri Almaniya tutub. Almaniyadan keçən ilin eyni dövrü ilə müqayisədə 250 faiz artımla 1 milyon 364 min turist gəlib.
Hər il birinci yerdə olan Rusiya bu il ikinci yeri tutub. Keçən ilin eyni dövrü ilə müqayisədə 13 faiz artımla Rusiyadan bu il 1 milyon 276 min turist tətil üçün Antalyaya üstünlük verib.
Rusiyanı 617 min 440 turistlə İngiltərə, 392 min 135 turistlə Polşa və 236 min 115 turistlə Hollandiya izləyib.
Bütün xəbərlər Facebook səhifəmizdə
.jpg "Türkiyə Psixologiyasında Nə Baş Verir? SON DƏQİQƏ!")
USD
EUR
GBP
RUB