"Dövlət Turizm Agentliyi tərəfindən 2026-cı ildə 10 yeni ictimai çimərlik üzrə abadlıq işləri aparılıb". Bu sözləri SİA-ya açıqlamasında Dövlət Turizm Agentliyinin Media və ictimaiyyətlə əlaqələr sektorunun böyük məsləhətçisi Rufik İsmayılov deyib.
Onun sözlərinə görə, bu ictimai çimərliklərin 4-ü Novxanı və Coratda, 3-ü Şüvəlanda, 2-si Türkanda, 1-i isə Şıx ərazisində yerləşir:
"İctimai çimərliklərin hər birinin ərazisi 3 hektar olmaqla, ümumilikdə 30 hektar sahəni təşkil edir.
Bu ictimai çimərliklərdə istirahət üçün hərtərəfli şərait var. Vətəndaşlar ictimai çimərliklərdə avtodayanacaqlardan, duş və soyunub-geyinmə kabinələrindən, sanitar qovşaqlardan, uşaq-əyləncə meydançalarından, futbol və voleybol meydanlarından ödənişsiz yararlanırlar. Bu barədə məlumatlandırıcı və istiqamətverici lövhələr ictimai çimərlik ərazisinin müxtəlif yerlərində quraşdırılıb. Vətəndaşlar ictimai çimərliklərdə yalnız stol-stul və şezlonq kirayəsinə görə ödəniş edirlər.
Qeyd edək ki, Dövlət Turizm Agentliyi tərəfindən 2025-ci ildə də Xəzər rayonunun Şüvəlan və Mərdəkan qəsəbələri ərazisində, ümumilikdə 15,3 hektar sahəni əhatə edən 5 çimərlikdə müasir tələblərə cavab verən ictimai (ödənişsiz) çimərlik yaradılıb. Beləliklə, Dövlət Turizm Agentliyi tərəfindən 2 il ərzində 15 ictimai çimərlik yaradılıb.
Xatırladaq ki, Azərbaycan Respublikası ərazisində çimərliklərin ümumi sayı 200-dən çoxdur. Onlar əsasən Bakı, Sumqayıt, Xaçmaz, Lənkəran, Astara və Mingəçevir şəhərlərinin ərazisində yerləşir. Ümumilikdə ölkədəki çimərliklərin 80 faizi Bakı və Abşeron ərazisindədir."
Bütün xəbərlər Facebook səhifəmizdə
.jpg "Döyüşlər yenidən başlayır - DƏHŞƏTLİ PROQNOZ")
.jpg "İlqar Hacıyev Natiq Ədilovu niyə söydü?")
.jpg "İran qarşı müharibənin əsl səbəbi - ŞOK DETALLAR")
USD
EUR
GBP
RUB
