Aşıq Samirə Əliyeva verilişlərin birində iştirak edib. SİA-nın məlumatına görə, sənətçi qardaşının da ikinci Qarabağ müharibəsinə getdiyini söyləyib: "Uşaqlarıma deyirəm ki, sizi təbrik edirəm. Onlar müharibə görməyəcək. Biz onlara torpağı, Azərbaycanı bütöv təhvil veririk. İndi uşaqdılar başa düşməyə bilərlər, amma zaman keçdikcə dəyərini anlayacaqlar.
Qardaşım da döyüşdədir. Onu yola salanda getdim ki, anama ruh yüksəkliyi verim. Qayıtdı ki, bəsdirin, mənə başsağlığı verməyin. Fəxr edirəm, gözüm aydın olsun ki, oğlum əsgər gedir. Analardan bu sözü eşidən əsgər qalib gəlməli idi.
Sevincimizin həddi-hüdudu yoxdur, artıq biz həsrət yox, zəfər nəğməsi oxuyuruq. Qürur duyuruq. İndi tarixi, əbədi qürur yaşayırıq. Qarabağ Azərbaycandır... Qələbə xəbərini eşidəndə elə qışqırdım ki, hələ qonşular səsimi elə eşitməmişdi".
Bütün xəbərlər Facebook səhifəmizdə
.jpg)
USD
EUR
GBP
RUB
