Bu gün Milli Məclisin keçirilən payız sessiyasının iclasında millət vəkili Sabir Rüstəmxanlı Ermənistandakı Rusiya hərbi bazalarının rəsmi Yerevana verilməsi ilə bağlı məsələni qaldırıb.
SİA-nın xəbərinə görə, o qeyd edib ki, Rusiyanın silahları Ermənistandan işğal olunmuş Dağlıq Qarabağ ərazisinə keçirməsinə heç kim təminat verə bilməz: "Çünki həmin hərbi bazalarda işləyənlər ermənilər özləri olacaq".
O, bu məsələ ilə bağlı BMT və Rusiyaya müraciət etməyi və BMT-dən buna reaksiya verilməsinin ciddi tələb olunduğunun vacibliyini də vurğulayıb.
Buna cavab olaraq Milli Məclisin birinci vitse-spikeri Ziyafət Əsgərov bildirib ki, Azərbaycan Rusiyanın Ermənistanda olan hərbi bazalarının Ermənistana təhvil verilməsindən narahatçılıq keçirir: "Bununla bağlı Azərbaycanın müvafiq strukturları ilə bir neçə dəfə görüşüb, məsələ qaldırmışam. Onlar da bildirib ki, bu məsələ araşdırılır. Araşdırma yekunlaşdıqdan sonra rəsmi açıqlama veriləcək".
Könül Kamilqızı
Bütün xəbərlər Facebook səhifəmizdə
USD
EUR
GBP
RUB