Birləşmiş Millətlər Təşkilatının Təhsil, Elm və Mədəniyyət Təşkilatının (UNESCO) Dünya Mədəni İrs Siyahısında yer alan Nemrut dağı təbiət yerini cari il ziyarət edənlərin sayı 225 minə yaxınlaşıb. SİA bu barədə Türkiyə saytlarına istinad edir.
Şərq və qərb sivilizasiyalarının kəsişdiyi yerdə, 2150 metr hündürlükdə yerləşən "Günəşin doğuşunun və qürubunun ən gözəl şəkildə izləndiyi yer" olaraq bilinən Nemrut dağı Kommagen Krallığına məxsus 50 metr hündürlükdə 150 diametri olan kurqanla bir çox nəhəng əsərə ev sahibliyi edir.
Hər il çox sayda yerli və xarici turisti özünə cəlb edən dünya irsi Nemrutu ziyarət edənlərin sayı bu il 6 noyabr tarixinə 222 min 129-a çatıb.
Adıyaman valisi Mahmud Çuhadar Nemrutun mütləq görməli yerlərdən biri olduğuna diqqət çəkib:
"Nemrut dağı dünyada öz sirrini qoruyan yeganə yerdir. Hətta Misir piramidalarına belə girilmiş, lakin Kral Antioxosun məzarı olduğu düşünülən Nemrut dağındakı ərazinin sirri hələ də açılmayıb. Əsrarəngiz bir bölgə, tanrılar bölgəsi, o dövrün məbədi. Macəra və tarix həvəskarları Kommagene Krallığını Adıyamanı kəşf etmək üçün sizi gözləyirik".
Bütün xəbərlər Facebook səhifəmizdə
USD
EUR
GBP
RUB