Oktyabr ayında Türkiyədə istirahət edən rusiyalı turist xaricdə istirahətin Rusiya kurortlarından daha sərfəli olduğunu deyib.
SİA-nın rus saytlarından əldə etdiyi məlumata görə, həmən rusiyalı turistin rəyi “Yandex.Zen” portalında dərc olunub.
Beləliklə, istirahətə getmək istəyən rusiyalı turistin sözlərinə görə, əvvəlcə o Soçi və ya Kalininqrada getməyi planlaşdırsa da, həyat yoldaşının məsləhəti ilə Türkiyəyə üstünlük verib.
“Mən bunun çox baha olacağını düşündüm, amma qiymət ölkəmizdəki istirahət mərkəzlərindəkindən bir neçə dəfə ucuz oldu”...
O, əlavə edib ki, oktyabrda dəniz hələ də isti olduğundan, günəş demək olar ki, yay kimi işıq saçdığından hava ilə çox şanslı olublar. Eyni zamanda, turistin müşahidələrinə görə, mehmanxana tam gücü ilə işləyir və artıq kurort ölkəsində mövsümün başa çatması hissi yoxdur.
Maraqlıdır ki, rus turisti təəccübləndirən kifayət qədər pivə və türk rakısının bolluğu olub.
Otel otaqlarının bir qədər köhnə olduğunu deyən rus turist, buna baxmayaraq onların təmiz və yaxşı saxlanıldığını da etiraf edib.
Sonda o, əmin edib ki, Türkiyədə ruslara münasibət normaldır - heç kim münaqişəyə girmir, türk satıcılar isə öz mövqelərini reklam etməməyə çalışırlar.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB
