Dənizli vilayətinin tanınmış turizm mərkəzi olan Pamukkaleni ilin ilk 4 ayında 240 min yerli və xarici qonaq ziyarət edib.
SİA xəbər verir ki, Türkiyənin əhəmiyyətli turizm məkanlarından olan və Birləşmiş Millətlər Təşkilatının Təhsil, Elm və Mədəniyyət Təşkilatının (UNESCO) Dünya İrs Siyahısına daxil olan Pamukkale qonaqlarını qəbul etməyə davam edir.
Mədəni və tarixi sərvətləri ilə ziyarətçilərinin diqqətini çəkən Pamukkale dünyanın hər yerindən buradakı gözəllikləri görmək şansına malikdir.
Ziyarətçilər ağ travertinlər üzərindən və tarixi xarabalıqlardan keçə və bütün fəsillərdə 36 dərəcə istiliklə “Kleopatra hovuzu” kimi tanınan qədim hovuzdan istifadə edə bilərlər.
2020-ci ildə 1 yanvar - 18 mart 2020-ci il tarixləri arasında Pamukkaleni 151 268 nəfər ziyarət edib.
Yeni növ koronavirus (Covid-19) epidemiyası ilə əlaqədar martın 19-dan iyunun 1-dək rayona girişlər bağlanıb.
Pamukkaleni keçən il yanvarın 1-dən aprelin 30-dək 100 min 145, bu ilin eyni dövründə isə 240 min 883 turist ziyarət edib.
Dənizli şəhərindən 20 km uzaqlıqda olan Pamukkale Menderes çayı vadisində yerləşir. Qədim İyerapolis şəhərinin xarabalıqları ilə əhatə olunan Pamukkaledə təbii bulaqların əmələ gətirdiyi kalsium bikarbonatla zəngin gur şəlalələr ağappaq terraslardan üzüaşağı axır və bu da dünyada analoqu olmayan bəyaz səthli termal su hövzələri əmələ gətirir. Pamukkalenin UNESCO tərəfindən Dünya İrs Siyahısına daxil edilməsindən 25 il keçir. Pamukkale təkcə kalsium bikarbonatla zəngin gur şəlalələr travertinlərlə (ağ daş) deyil, həm də dörd bir tərəfində qədim şəhərləri ilə açıq səma altında muzeyə bənzəyir.
Pamukkale həqiqətən də dünyanın hər yerindən gələn bir çox turistin sevimli istirahət yeridir. Bu ada bənzərsiz təbiəti ilə yanaşı isti bulaqlar, çoxlu duzlu hamamlar və terraslar ilə zəngindir.
Pamukkaledəki bulağın müalicəvi xüsusiyyətləri qədim zamanlardan məlumdur. Onun suları ağır və hətta çox ağır xəstə olan insanlara şəfa verir ki, bu da onun möcüzəvi gücündən xəbər verir.
Pamukkaledə onurğa və dayaq-hərəkət sistemi problemi olan insanları müalicə edən cəmi 17 unikal termal bulaq yer kürəsinin 20 ən qeyri-adi yeri siyahısına daxildir. Orada, həmçinin hər cür ürək-damar, dəri, mədə-bağırsaq və sinir sistemi xəstəlikləri müalicə edilir.
Bütün xəbərlər Facebook səhifəmizdə
USD
EUR
GBP
RUB